s’Ameisi

AUSSCHNITTE AUS DEM GEDICHT


Es isch emou es Ameisi gsi
So starch, u doch so munzig chli
gchrüpplet het äs jede Tag
stundelang - e wahri Plag

ufe u abe im grosse Bou
verbi am dichte Schtou
vo de angere Ameise
erkämpft sich's sini Schneise

.........

Doch amne bsunders herte Tag
seit sich's: "fertig mit dere Plag
I wott nid do inn verrecke
I wott d'Wäut do uss entdecke"

Es packt sis Hab und Guet
chribblig vor Übermuet.
Tarned mit grüenem Loub
macht sech's usem Schtoub

...........

so lang wie's wott am Morge
schloofts us u hett ke Sorge
Es nimmt es Bad im Morge-Tou
u luegt keck i Spiegu - jo tschou!

.............

So sorglos cha's si, das Läbe
Fulänze, das isch nid dänäbe
das dänkt sich s'Ameisi und lacht:
"Guet hani das gmacht"

Doch amne sunnige Morge
grad nach em feisse Zmorge
Bahnt sich s'Unheil a:
es schiffet, was abe ma

..........